«Жаңаөзен арнайы жалпы білім беретін және мектепке дейінгі ұйым» КММ тәрбиеленушілері мен біздің мекеме қызметкерлерінің балаларын Балаларды қорғау күнімен құттықтады
Әрбір жанға балалық шағы ыстық, қымбат екендігі анық. Қарыштап дамып жатырған ХХI ғасырда балалар қолдауды өте қажет етеді. 1-маусым - Халықаралық балаларды қорғау күні. Бұл мерекенің басты мақсаты – балалардың көңілін тауып, әлеуметтік жағдайларына назар аудару. Ондай көмекке әлеуметтік тұрғыда қорғалмаған балалар зәру. Сондықтан қалыптасқан дәстүр бойынша «Бұрғылау жастары» қоғамдық бірлестігінің мүшелері «Жаңаөзен арнайы жалпы білім беретін және мектепке дейінгі ұйым» КММ мен біздің мекеме қызметкерлерінің балаларын мерекемен құттықтап, оларға көтеріңкі көңіл-күй сыйлап, ыстық ықыластарын білдірді.
Аталған шараларға «Бұрғылау» ЖШС Бас директорының орынбасарлары Д.Мусин мен С.Нәбиев қатысып, балаларға зор денсаулық, бақытты балалық шақ, жарқын болашақ тіледі.
Мектепке дейінгі ұйымның тәрбиешілері мен тәрбиеленушілері, біздің мекеме қызметкерлерінің балалары қонақтарға көрсеткен қамқорлықтары үшін алғыстарын білдірді.
Балалар мерекелік көріністі тамашалап, шара соңында оларға дипломдар мен сыйлықтар табыс етілді.
Компания келешегі зор бұрғылау компанияларының бірі болып табылады
Компания ұсынылатын бұрғылау қызметтерінің жоғары сапа стандарттарын алға қояды
Компанияда жоғары білікті мамандар жұмыс жасайды
Компания дамуының негізі - жинақталған мол тәжірибе мен жаңа заманғы технологияларды пайдалану
«Бұрғылау» ЖШС
«Бұрғылау» ЖШС бұрғылау жұмыстары саласында жұмыс жасайтын Қазақстандағы ірі компаниялардың бірі. Мұнай-газ саласында, атап айтқанда пайдаланылатын мұнай және газ ұңғымалары құрылысы, ұңғымаларды күрделі жөндеу, ұңғымаларды игеру, ұңғымаларды физикалық жою, көлік қызметтерін көрсетеді.
