Шағын футболдан турнир өтті

Салауатты өмір салтын насихаттау, жастардың спорттық әлеуетін дамыту мақсатында  ағымдағы жылдың 15-16 шілдесінде  Р.Өтесінов атындағы дене шынықтыру-сауықтыру кешенінде Холдинг кәсіпорындары арасында шағын футболдан турнир өткізілді. Шараны «Бұрғылау» ЖШС Бас директоры Д.Таушанов ашып, қатысушыларды құттықтап, ақ жол тіледі.
Турнирге 8 команда қатысты («ҚазМұнайГаз-Бұрғылау» (Атырау қаласы), «Казтехмұнайсервис» ЖШС (Атырау қ.), «Трубремцентр» ЖШС, «Мұнайфилдсервис» ЖШС, «Каскор-Машзавод» ЖШС, «Бұргылау» ЖШС («Бұрғылау жастары», «Еркін», «Бәйтерек»). Жарыс нәтижесі бойынша 1-ші орынды «Бұрғылау» ЖШС командасы, 2-ші орынды «Казтехмұнайсервис» ЖШС командасы, 3-ші орынды «ҚазМұнайГаз-Бұрғылау» ЖШС командасы иеленді.
Ең үздік ойыншы болып «МФС» ЖШС командасынан Бердіханов Нұркен, ең үздік қақпашы – «КМГ-Бұрғылау» ЖШС командасынан Атчибаев Асхат, ең үздік қорғаушы – «Казтехмұнайсервис» ЖШС командасынан Есмұханов Асхат, ең үздік шабуылшы «КМГ-Бұрғылау» ЖШС командасынан  Ғабдуллин  Данияр, ең үздік бомбардир «Бұрғылау» ЖШС командасынан (Бұрғылау жастары) Н.Боранқұлов танылды.
Турнир аяқталғаннан кейін салтанатты марапаттау рәсімі өткізілді. Бас директордың орынбасары Д.Мусин жарыс қатысушыларын құттықтады. Жеңімпаздарға кубоктар, медальдар және дипломдар, сондай-ақ ақшалай сыйлықтар табысталды.