«Наурыз» мерекесіне арналған спорттық сайыстар өз мәресіне жетті

Қызметкерлердің денсаулығына қамқорлық жасау  біздің кәсіпорын қызметінің негізгі бағыттарының бірі болып табылады.  «Наурыз» мерекесіне орай салауатты өмір салтын насихаттау, дене шынықтыру-спорттық және сауықтыру шараларына тарту, спорттық шеберлік пен дағдыларды дамыту мақсатында қызметкерлердің арасында спорттық сайыстар ұйымдастырылды.  
Сайыс бірнеше кезеңде футбол, үстел теннисі, бильярд, тоғызқұмалақ, арқан тарту сияқты спорт түрлерінен өткізілді.
Сайыс нәтижесі келесідей қорытындыланды: волейбол ойыны бойынша 1-орынға Басқарма аппараты, 2-орынға Игеру цехы,  3-орынға Өндірістік қамту базасы ие болды.  
Футбол турниры бойынша Игеру цехының командасы 1-орынға, Өндірістік қамту базасының командасы 2-орынға, бұрғышылар  3-орынға шықты.
Бильярд ойыны бойынша  қызметкерлер арасында 1-орынды Н.Боранқұлов, 2-орынды Е.Ахметдинов, 3-орынды Н.Нұрсейтов жеңіп алды.
Теннис ойынында 1-орынды Н.Исабергенов , 2-орынды Т.Шораев,3-орынды А.Қиялбеков алды.
Тоғызқұмалақ сайысында 1-орынды А.Асқаров, 2-орынды И.Қаржаубайұлы, 3-орынды А.Юлдашов қанжығаларына байлады.
Арқан тарту  сайысының нәтижесі бойынша 1-орынды «Бәйтерек» командасы, 2-орынды «К-7 Оразов» бригадасының командасы, 3-орынды Е.Сатов иеленді.  
Шара соңында жеңімпаздарға алғыс хаттар  мен естелік кубоктар табыс етілді.