Нәсіпқали Марабаевқа арналған бюст-ескерткіш ашылды
«Бұрғылау» ЖШС-ның демеушілігімен 23 желтоқсан күні Марабаев даңғылы бойында орналасқан «Бұрғышылар аллеясы» ескерткішінің жанынан белгілі мұнайшы, мемлекет және қоғам қайраткері Нәсіпқали Марабаевтың туғанына 80 жыл толуына орай бюст-ескерткіш ашылды. Салтанатты шараға қала әкімінің орынбасары Исахан Сағынбаев, қалалық мәслихат хатшысы Сақи Мыңбай, «Бұрғылау» ЖШС-ның бас директоры Дүйсенбай Таушанов, мекеме басшылары, ардагерлер, қалалық мәслихат депутаттары және жастар қатысты.
Қалалық мәслихат хатшысы Сақи Мыңбай және ардагердің ұлы Ермек Марабаев ескерткішті салтанатты түрде ашты. Содан кейін жиналған қауым бюст алдына гүл шоқтарын қойды. Ардагер мұнайшы Тыныштық Базарбаев Нәсіпқали Әбуғалиұлының адамгершілік қасиеті жайында сөз сөйлеп, өзінің бірге қызмет атқарған жылдарын еске алды.
«Ескерткіштің қойылу мақсаты - өскелең ұрпаққа өнеге, патриоттық тәрбие беру. Нәсіпқали Әбуғалиұлы Марабаевтың Маңғыстау облысына сіңірген еңбегі, түбек мұнайын игеруге қосқан үлесі, адамзатқа, табиғатқа деген қамқорлығы ел есінде мәңгі қалады», - деді «Бұрғылау» ЖШС-ның жалпы мәселелер жөніндегі атқарушы директоры Сенбек Набиев.
«Бұрғылау» ЖШС Маңғыстау облысының әкімдігіне және облыс әкімінің орынбасары Сқақов Мақсат Нұрлыбекұлына аталған шараның іске асуына көрсеткен қолдауы үшін өз алғысын білдіреді.
Компания келешегі зор бұрғылау компанияларының бірі болып табылады
Компания ұсынылатын бұрғылау қызметтерінің жоғары сапа стандарттарын алға қояды
Компанияда жоғары білікті мамандар жұмыс жасайды
Компания дамуының негізі - жинақталған мол тәжірибе мен жаңа заманғы технологияларды пайдалану
«Бұрғылау» ЖШС
«Бұрғылау» ЖШС бұрғылау жұмыстары саласында жұмыс жасайтын Қазақстандағы ірі компаниялардың бірі. Мұнай-газ саласында, атап айтқанда пайдаланылатын мұнай және газ ұңғымалары құрылысы, ұңғымаларды күрделі жөндеу, ұңғымаларды игеру, ұңғымаларды физикалық жою, көлік қызметтерін көрсетеді.
