МҰНАЙШЫЛАР САЛАУАТТЫ ӨМІР САЛТЫН ҰСТАНАДЫ
"Бұрғылау" ЖШС мұнай-газ кешені қызметкерлері күніне орай кәсіпорын цехтары арасында спорттық сайыс өткізді. Басты мақсат - қызметкерлерді салауатты өмір салтын ұстануға баулып, оны барынша насихаттау болып табылады. Спорттық шара барысында мекеме қызметкерлері футбол, волейбол, теннис, бильярд, арқан тартыс, тоғызқұмалақ ойындары бойынша сынға түсті. Нәтижесінде волейбол ойынында 1-орынға "Бәйтерек" командасы, 2-орынға "Игеру цехы" командасы, қола жүлдеге "Өндірісті қамту базасы" командасы ие болды. Футбол бойынша "Бұрғышы" тобы бас жүлдеге, "Игеру цехы" тобы 2-орынға, сондай-ақ, "Бәйтерек" командасы 3-орынға шықты. Қызметкерлер арасында өткен бильярд ойыны бойынша Н. Боранкулов топ жарды. Ал, А.Ким күміс жүлдені қанжығалады. Н.Тукпатов 3-орынды қанағат тұтты. Теннис ойынында алғашқы орынды Т. Шораев, 2-орынды Е.Исабергенов, 3-орынды М.Еркимбаев иеленді. Тоғызқұмалақ сайысында 1-орынды И.Қаржаубайұлы жеңіп алса, күміс жүлдені М.Сыдықбеков иеленді. Ал 3-орынға А.Ким тұрақтады. Арқан тарту жарысында бас жүлдені "Бұрғышы" командасы ұтып алса, 2-орынды "Игеру цехы" командасы қанжығалады. 1,3-орындарды "Өндірісті қамту базасы" командасы иеленді.
Компания келешегі зор бұрғылау компанияларының бірі болып табылады
Компания ұсынылатын бұрғылау қызметтерінің жоғары сапа стандарттарын алға қояды
Компанияда жоғары білікті мамандар жұмыс жасайды
Компания дамуының негізі - жинақталған мол тәжірибе мен жаңа заманғы технологияларды пайдалану
«Бұрғылау» ЖШС
«Бұрғылау» ЖШС бұрғылау жұмыстары саласында жұмыс жасайтын Қазақстандағы ірі компаниялардың бірі. Мұнай-газ саласында, атап айтқанда пайдаланылатын мұнай және газ ұңғымалары құрылысы, ұңғымаларды күрделі жөндеу, ұңғымаларды игеру, ұңғымаларды физикалық жою, көлік қызметтерін көрсетеді.
