«Брейн-ринг» зияткерлік ойыны өткізілді
«Бұрғылау жастары» қоғамдық бірлестігімен кәсіпорын қызметкерлерінің арасында брейн-ринг-зияткерлік ойыны ұйымдастырылып, оған 8 команда қатысты: Өндірістік блок, Игеру цехы-1, Игеру цехы-2, Тампонажды цех, Өндірістік қамту базасы, Бұрғышылар бригадаларының командасы, Басқарма аппаратының екі командасы. Ойын тақырыбы Астана күніне арналды. Шара өте қызықты, танымдық және тәрбиелік тұрғыда өткізілді.
Ойын екі турда өтіп, екінші турдан кейін жартылай финалға шыққандар анықталды. Білімділер зияткерлік турнирін өткізудің нәтижесі келесідей қорытындыланды: Бас жүлдені Өндірістік блок қанжығасына байлады. 1-орынға Шегендеу цехының командасы ие болса, 2-орынды Игеру цехы-1 командасы жеңіп алды, 3-орынға Игеру цехы-2 командасы шықты.
Мұндай бағыттағы шаралардың маңызы зор екендігі сөзсіз. Компаниямызда осындай тұрғыда алғаш рет өткізілген ойын дәстүрлі түрде өз жалғасын тауып, біздің қызметкерлер құрамының білім деңгейлерін арттыруға үлкен септігін тигізеді деген сенімдеміз.
Компания келешегі зор бұрғылау компанияларының бірі болып табылады
Компания ұсынылатын бұрғылау қызметтерінің жоғары сапа стандарттарын алға қояды
Компанияда жоғары білікті мамандар жұмыс жасайды
Компания дамуының негізі - жинақталған мол тәжірибе мен жаңа заманғы технологияларды пайдалану
«Бұрғылау» ЖШС
«Бұрғылау» ЖШС бұрғылау жұмыстары саласында жұмыс жасайтын Қазақстандағы ірі компаниялардың бірі. Мұнай-газ саласында, атап айтқанда пайдаланылатын мұнай және газ ұңғымалары құрылысы, ұңғымаларды күрделі жөндеу, ұңғымаларды игеру, ұңғымаларды физикалық жою, көлік қызметтерін көрсетеді.
