Қазақ күресінен Н.Ә. Марабаевты еске алуға арналған республикалық ашық турнир өтті

Р.Өтесінов атындағы дене шынықтыру және сауықтыру спорт кешенінде Н.Ә. Марабаевты еске алуға арналған  қазақ күресінен 4-ші Республикалық ашық турнир өтті. Турнирдің ашылу салтанатында қала әкімінің орынбасары Сәнім Жаниева, қалалық мәслихат хатшысы Сақи Мыңбай, «Бұрғылау» ЖШС-ның бас директоры Дүйсенбай Таушанов және де өзге де басшылар құттықтау сөз сөйлеп, қатысушы палуандарға сәттілік тіледі.
Аталған спорт додасының бас демеушісі Нәсіпқали Әбуғалиұлы еңбек еткен кәсіпорын – «Бұрғылау» ЖШС. Төртінші  мәрте  өз жалауын  көтерген палуандар сайысының көздегені – ұлттық спортымыз қазақ күресін дамытып, өскелең ұрпақты рухани отаншылдық рухта тәрбиелеу. Айтулы жарысқа еліміздің алты облысынан бойларын намыс пен қайрат кернеген палуандары келді. Атырау, Ақтөбе, Қызылорда, Батыс Қазақстан, Қостанай облыстары мен Ақтау, Жаңаөзен қаласы, Маңғыстау, Мұнайлы, Түпқараған, Бейнеу ауданының жас палуандары екі күнге созылған бәйгеде өз өнерлерін ортаға салды.
Жарыстың қорытындысы бойынша  түйе палуандар арасында: І орынға – Н.Жарылғапов («Шоғы батыр» спорт мектебі), ІІ орынға – М.Жаңабаев (Ақтау қаласы), ІІІ орынға – А.Аманов (Ақтау қаласы) ие болды.  «Бұрғылау» ЖШС-нің  тарапынан жеңімпаздарға диплом, медальмен қатар ақшалай сыйлықтар табысталды.